തിരുവനന്തപുരം: ഹൈക്കോടതി വിധിയുടെ പശ്ചാത്തലത്തില്‍ ഡയസ്നോണ്‍ പ്രഖ്യാപിച്ച്‌ സര്ക്കാര്. ഇതോടെ സംസ്ഥാനത്തെ മുഴുവന്‍ സര്ക്കാര് ജീവനക്കാരും നാളെ ജോലിക്ക് എത്തണം.അവശ്യസാഹചര്യത്തില്‍ അല്ലാതെ നാളെ ആ‍ര്‍ക്കും അവധി അനുവദിക്കില്ലെന്ന് വ്യക്തമാക്കി ചീഫ് സെക്രട്ടറി ഉത്തരവിറക്കിയിട്ടുണ്ട്.
ഹൈക്കോടതി വിധി പക‍ര്‍പ്പ് പരിശോധിച്ച അഡ്വക്കറ്റ് ജനറല്‍ നല്‍കിയ നിയമോപദേശത്തിന്‍്റെ അടിസ്ഥാനത്തിലാണ് അവശ്യ സര്വ്വീസ് നിയമമായ ഡയസ്നോണ്‍ പ്രഖ്യാപിക്കാന്‍ സംസ്ഥാന സര്ക്കാര് തീരുമാനിച്ചത്. കോടതി ഉത്തരവിന്‍്റെ അടിസ്ഥാനത്തില്‍ തുട‍ര്‍നടപടി സ്വീകരിക്കണം എന്ന് ആവശ്യപ്പെടുന്ന കുറിപ്പോടെ അഡ്വക്കറ്റ് ജനറല്‍ ചീഫ് സെക്രട്ടറിക്ക് ഹൈക്കോടതി ഉത്തരവിന്‍്റെ പക‍ര്‍പ്പ് കൈമാറുകയായിരുന്നു. പിന്നാലെ ചീഫ് സെക്രട്ടറി ഉത്തരവിറക്കുകയായിരുന്നു.
സര്ക്കാര് ജീവനക്കാര്‍ക്ക് പണിമുടക്കാന്‍ സാധിക്കില്ലെന്നും ഇത്തരം സാഹചര്യത്തില്‍ സര്ക്കാര് കൈയും കെട്ടി നോക്കി നില്‍ക്കരുതെന്നും ഇന്ന് രാവിലെ ഹൈക്കോടതി വ്യക്തമാക്കിയിരുന്നു. സര്ക്കാര് ജീവനക്കാരുടെ പണിമുടക്ക് നിയമവിരുദ്ധമെന്ന് വ്യക്തമാക്കിയ കേരളാ ഹൈക്കോടതി പണിമുടക്കിയവര്‍ക്കെതിരെ നടപടി ഉണ്ടാകുമെന്ന് അറിയിച്ച്‌ ഇന്ന് തന്നെ ഉത്തരവിറക്കാന്‍ സര്‍ക്കാറിന് നിര്‍ദ്ദേശം നല്‍കിയിരുന്നു. കേരള സര്വ്വീസ് ചട്ട പ്രകാരം സര്‍ക്കാറിന്‍റെ നയങ്ങള്‍ക്കെതിരെ സമരം ചെയ്യാനോ, പണിമുടക്കാനോ ജീവനക്കാര്‍ക്ക് അധികാരമില്ലെന്ന് വ്യക്തമാക്കിയാണ് ഹൈക്കോടതി പണിമുടക്ക് തടഞ്ഞത്. സര്വ്വീസ് ചട്ടത്തിലെ റൂള്‍ 86 പ്രകാരം പണിമുടക്കുന്നത് നിയമവിരുദ്ധമാണെന്ന് ചീഫ് ജസ്റ്റിസ് അധ്യക്ഷനായ ബ‌ഞ്ച് ചൂണ്ടികാട്ടി.
ഈ സാഹചര്യത്തില്‍ പണിമുടക്കിയവര്‍ക്കെതിരെ നടപടിയുണ്ടാകുമെന്ന് കാണിച്ച്‌ ഉത്തരവിറക്കിണം. പണിമുടക്കുടക്കിന് ഡയസ്നോണ്‍ പ്രഖ്യാപിക്കാത്ത നടപടിയിലും കോടതി അതൃപ്തി രേഖപ്പെടുത്തി. പണിമുടക്കിന് ശേഷം നടപടിയുണ്ടാകുമെന്ന് പറഞ്ഞിട്ട് കാര്യമുണ്ടോ എന്നായിരുന്നു കോടതിയുടെ ചോദ്യം. തിരുവനന്തപുരം സ്വാദേശിയായ അഭിഭാഷകനാണ് പണിമുടക്ക് ചോദ്യം ചെയ്ത് ഹൈക്കോടതിയെ സമീപിച്ചത്. രണ്ട് ദിവസം പണിമുടക്കുന്നവര്‍ക്ക് അവധിയായിക്കെ ശമ്ബളം നല്‍കാന്‍ നീക്കമുണ്ടെന്ന് ഹര്‍ജിക്കാരന്‍ ചൂണ്ടിക്കാട്ടിയിരുന്നു.