മികച്ച ഇന്ധനക്ഷമത ഉറപ്പാക്കാന്‍ കൃത്യമായ ഇടവേളകളില്‍ സര്‍വീസുകള്‍ നടത്തുകയും ടയര്‍ പ്രഷര്‍ കൃത്യമാണെന്ന് ഉറപ്പുവരുത്തുകയും വേണം. അതുപോലെ വാഹനം ഓടിക്കുന്നയാളുടെ ഡ്രൈവിങ് ശീലങ്ങളും ഇന്ധനക്ഷമതയെ സ്വാധീനിക്കാറുണ്ട്. പെട്രോള്‍ കാറുകള്‍ മണിക്കൂറില്‍ ശരാശരി 50-70 കിലോമീറ്റര്‍ വേഗതയിലും ഡീസല്‍ കാറുകള്‍ മണിക്കൂറില്‍ ശരാശരി 50-60 കിലോമീറ്റര്‍ വേഗതയിലും ഓടിക്കുന്നത് മികച്ച ഇന്ധനക്ഷമത ഉറപ്പിക്കും. ട്രാഫിക് ലൈറ്റ് ചുവപ്പാണെന്ന് കണ്ടാല്‍ വാഹനത്തിന്റെ വേഗത കുറയ്ക്കുന്നതുപോലുള്ള പ്രായോഗിക ശീലങ്ങളും അനാവശ്യ ഇന്ധന ചെലവും കുറയ്ക്കും. ആധുനിക ഫീച്ചറുകളുള്ള വാഹനങ്ങളാണെങ്കില്‍ ഇക്കോ ഡ്രൈവിങ് മോഡ് യാത്രയ്ക്കുപയോഗിക്കുന്നത് ഇന്ധനക്ഷമത വര്‍ധിപ്പിക്കാന്‍ സഹായിക്കും.
