ന്യൂഡല്‍ഹി: ഇന്ത്യന്‍ പ്രീമിയര്‍ ലീഗ് 2021 സീസണിെന്‍റ രണ്ടാം ഘട്ടത്തിനായി ആരാധകര്‍ കാത്തിരിക്കുേമ്ബാള്‍ ഈ വര്‍ഷം നടക്കാന്‍ േപാകുന്ന മെഗാ താര ലേലത്തിനായുള്ള ഒരുക്കത്തിലാണ് ബി.സി.സി.ഐ. ടൂര്‍ണമെന്‍റിലെ ബഹുഭൂരിപക്ഷം വരുന്ന കളിക്കാര്‍ ലേലത്തില്‍ വരുന്നതിനാല്‍ തന്നെ ഫ്രഞ്ചൈസികള്‍ മികച്ച സ്ക്വാഡിനെ കെട്ടിപ്പടുക്കാന്‍ അഹോരാത്രം പണിപ്പെടുകയാകും. 2022 സീസണില്‍ പുതിയ രണ്ട് ടീമുകളെ കൂടി ഉള്‍പെടുത്തുന്നതിനാല്‍ ലേലം കൂടുതല്‍ ആവേശകരമാകും.
മെഗാതാരലേലത്തില്‍ ഓരോ ഫ്രാഞ്ചൈസിക്കും പരമാവധി നാല് കളിക്കാരെ നിലനിര്‍ത്താനാകുമെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു. നിലവിലെ സാഹചര്യം അനുസരിച്ച്‌ ടീം മാനേജ്മെന്‍റിന് മൂന്ന് ഇന്ത്യന്‍ താരങ്ങളെയും ഒരു വിദേശ താരത്തെയുമോ, രണ്ട് ഇന്ത്യന്‍ താരങ്ങളെയും രണ്ട് വിദേശ താരങ്ങളെയുമോ നിലനിര്‍ത്താന്‍ സാധിക്കും.
മെഗാ ലേലത്തിലേക്ക് കടക്കുന്നതിന് മുമ്ബ് ഈ കളിക്കാരുടെ വേതനം കുറക്കാന്‍ ഫ്രാഞ്ചൈസികള്‍ക്ക് സാധിക്കും. പുതിയ ടീമുകള്‍ കൂടി വരുന്നതിനാല്‍ ലേലത്തില്‍ ചെലവിടാനുള്ള സംഖ്യ ബി.സി.സി.ഐ ഉയര്‍ത്തിയിട്ടുണ്ട്. 50 കോടി രൂപ കൂട്ടിയതോടെ 85 മുതല്‍ 90 കോടി രൂപ വരെ ഓരോ ടീമുകള്‍ക്കും ഇറക്കാം.
ഒരു ടീം മൂന്ന് കളിക്കാരെ നിലനിര്‍ത്തുകയാണെങ്കില്‍ 15 കോടി രൂപ, 11 കോടി രൂപ, ഏഴ് കോടി രൂപ എന്നിങ്ങനെയാകും അവരുടെ വേതനം. 12.5 കോടി രൂപയും 8.5 കോടി രൂപയുമായിരിക്കും രണ്ട് കളിക്കാരെ നിലനിര്‍ത്തിയാലുള്ള ശമ്ബളം. ഒരു കളിക്കാരനെ മാത്രമാണ് നിലനിര്‍ത്തുന്നതെങ്കില്‍ അയാള്‍ക്ക് 12.5 കോടി രൂപ നല്‍കണം.
ഐ.പി.എല്‍ 2021ന് മുമ്ബായിട്ടായിരുന്നു മെഗാ താരലേലം നടക്കേണ്ടിയിരുന്നത്. എന്നാല്‍ കോവിഡ് മഹാമാരി കാരണം ടീമുകള്‍ക്ക് വന്‍ നഷ്ടം സംഭവിച്ചതും 2020, 2021 സീണുകള്‍ തമ്മില്‍ വലിയ ഇടവേള ഇല്ലാതിരിക്കുകയും ചെയ്തതിനാല്‍ ഒരു വര്‍ഷം നീട്ടിവെക്കുകയായിരുന്നു. ഈ വര്‍ഷം ഡിസംബറിലാണ് മെഗാ താരലേലം നടക്കാന്‍ സാധ്യത.
കൊല്‍ക്കത്ത കേന്ദ്രീകരിച്ച്‌ പ്രവര്‍ത്തിക്കുന്ന ആര്‍.പി സഞ്ജീവ് ഗോയങ്ക ഗ്രൂപ്പ്, അദാനി ഗ്രൂപ്പ്, ഹൈദരാബാദ് കേന്ദ്രീകരിച്ച്‌ പ്രവര്‍ത്തിക്കുന്ന അരബിന്ദേ ഫാര്‍മ, ഗുജറാത്ത് കേന്ദ്രമായ ടോറന്‍റ് ഗ്രൂപ്പ് എന്നിവരാണ് പുതിയ ഐ.പി.എല്‍ ഫ്രാഞ്ചൈസികള്‍ സ്വന്തമാക്കാനായി രംഗത്തുള്ളത്.