നത്തിങ് ഫോണുകള്‍ ഇനി ഓഫ്ലൈന്‍ ചാനലുകള്‌ വഴിയും വില്‍ക്കും. റിലയന്‍സ് ഡിജിറ്റല്‍ സ്റ്റോറുകള്‍ വഴിയും ഇവ വില്‍പ്പനയ്ക്ക് എത്തിയേക്കാം.ക്ഷണിക്കപ്പെട്ടവര്‍ക്ക് ഫ്ലിപ്പ്കാര്‍ട്ടിലെ പ്രീ- ഓര്‍ഡര്‍ സംവിധാനം വഴി ഫോണ്‍ വാങ്ങാനാകുമെന്ന് ലണ്ടന്‍ ആസ്ഥാനമായുള്ള ഒരു കമ്ബനി നേരത്തെ അറിയിച്ചിരുന്നു. ഈയിടെ ഒരു ഇ- കോമേഴ്സ് പ്ലാറ്റ്ഫോമിലും ഫോണ്‍ സംബന്ധിച്ചുള്ള വിവരങ്ങള്‍ ലഭ്യമായിരുന്നു.
ഫോണ്‍ മുന്‍കൂട്ടി ഓര്‍ഡര്‍ ചെയ്യുന്ന ഉപഭോക്താക്കള്‍ക്ക് നിരവധി ബെനഫിറ്റുകളും ആകര്‍ഷകമായ ഓഫറുകളുമുണ്ടാകും. 2000 രൂപ റീഫണ്ടബിള്‍ ഡെപ്പോസിറ്റായി നല്‍കുമെന്ന ഉറപ്പിലാണ് പ്രീ- ഓര്‍ഡര്‍ ആരംഭിക്കുന്നത്. ഈ ഉപഭോക്താക്കള്‍ക്ക് മുന്‍‌ഗണന പ്രകാരം ഫ്ലിപ്പ്കാര്‍ട്ട് വഴി ഫോണ്‍ വാങ്ങാന്‍ അനുവദിക്കുന്ന പ്രീ-ഓര്‍ഡര്‍ പാസ് ലഭിക്കും.
നത്തിംഗ് ഫോണ്‍ 1 ന് പ്രീ-ഓര്‍ഡര്‍ പാസ് ലഭിക്കുന്നതിന്, ഉപഭോക്താക്കള്‍ രജിസ്റ്റര്‍ ചെയ്യുകയും നതിംഗ് വെബ്‌സൈറ്റില്‍ ലോഗിന്‍ ചെയ്യുകയും വേണം. ഡെപ്പോസിറ്റായി 2,000 രൂപ വേണം. നിങ്ങളുടെ അവസരം വരുമ്ബോള്‍ സ്മാര്ട്ട്ഫോണിന്റെ പ്രീ-ഓര്‍ഡര്‍ പാസ് കമ്ബനി നിങ്ങള്‍ക്ക് മെയില്‍ ചെയ്യും. ഫോണ്‍ ലോഞ്ച് ചെയ്തുകഴിഞ്ഞാല്‍, പാസ് ഉപയോഗിച്ച്‌ ഫോണ്‍ മുന്‍കൂട്ടി ഓര്‍ഡര്‍ ചെയ്തവര്‍ക്ക് ഹാന്‍ഡ്‌സെറ്റ് ബുക്ക് ചെയ്യാന്‍ ക്ക് ചില ഓഫറുകള്‍ ലഭിക്കാനും സാധ്യതയുണ്ട്.
റിപ്പോര്‍ട്ടുകള്‍ പ്രകാരം, നത്തിംഗ് ഫോണ്‍ 1 ആന്‍ഡ്രോയിഡ് 12 നെ പോലെ പ്രവര്‍ത്തിക്കും. കൂടാതെ HDR10+ പിന്തുണയോടെ വരുന്ന 120Hz സാംസങ് E4 അമോള്‍ഡ് ഡിസ്‌പ്ലേയും TUV റെയിന്‍ലാന്‍ഡ് സര്‍ട്ടിഫിക്കേഷനും ഉണ്ടായിരിക്കും. 8 ജിബി റാമും 128 ജിബി ഓണ്‍ബോര്‍ഡ് സ്‌റ്റോറേജും സഹിതം സ്‌നാപ്ഡ്രാഗണ്‍ 778G+ SoC ആണ് ഇത് നല്‍കുന്നത്. ഒപ്റ്റിക്കല്‍ ഇമേജ് സ്റ്റെബിലൈസേഷന്‍ (OIS) ഉള്ള ഡ്യുവല്‍ പിന്‍ ക്യാമറകളും 4,500mAh അല്ലെങ്കില്‍ 5,000mAh ബാറ്ററിയും 45W ഫാസ്റ്റ് ചാര്‍ജിംഗും ഈ സ്മാര്ട്ട്ഫോണിന്റെ പ്രത്യേകതയാണെന്ന് റിപ്പോര്‍ട്ടുകള്‍ പറയുന്നു. വയര്‍ലെസ് ചാര്‍ജിംഗ്, റിവേഴ്സ് വയര്‍ലെസ് ചാര്‍ജിംഗ് എന്നിവയും ഇതില്‍ ഉള്‍പ്പെടുന്നുവെന്ന് പറയപ്പെടുന്നു. പിന്‍ പാനലില്‍ എല്‍ഇഡി ലൈറ്റുകള്‍ ഉണ്ട്. റിട്ടേണ്‍ ടു ഇന്‍സ്ട്രിക്റ്റ് എന്ന വെര്‍ച്വല്‍ പ്ലാറ്റ്ഫോം വഴിയാണ് ജൂലൈ 12 ന് നത്തിങ് ഫോണ്‍ 1 ലോഞ്ച് ചെയ്യുന്നത്.