NADAMMELPOYIL NEWS
August 06/2021
കൊച്ചി; സൈക്കിളിന്റെ പഞ്ചര്‍ ഒട്ടിക്കുന്നതിനിടെ പെണ്‍കുട്ടികളുടെ സ്വകാര്യ ഭാഗങ്ങള്‍ മൊബൈല്‍ച ഫോണില്‍ പകര്‍ത്തുന്നത് പതിവാക്കിയ നാടന്‍ പാട്ടുകാരന്‍ അറസ്റ്റില്‍ . കാഞ്ഞൂര്‍ നാട്ടുപൊലിമ നാടന്‍ പാട്ടു സംഘത്തിന്റെ പ്രമുഖ പാട്ടുകാരന്‍ പതിക്കക്കുടി രതീഷ് ചന്ദ്രന്‍ ആണ് അറസ്റ്റിലായത്.
ഇരുചക്ര വാഹനങ്ങളുടെ മെക്കാനിക്കാണ് രതീഷ് ചന്ദ്രൻ . പഞ്ചര്‍ ഒട്ടിക്കാനെത്തുന്ന പെണ്‍കുട്ടികളെ കൊണ്ടു കാറ്റടിപ്പിച്ചു മൊബൈല്‍ ഫോണ്‍ വച്ച് ദൃശ്യങ്ങൾ പകര്‍ത്തുകയാണ് പതിവ്. പഞ്ചറൊട്ടിക്കാന്‍ എത്തിയ രണ്ട് പെണ്‍കുട്ടികളുടെ ചിത്രം ഇതുപോലെ പകര്‍ത്താന്‍ ശ്രമിച്ചപ്പോഴാണ് വിവരം പുറത്തറഞ്ഞത്. ഒരു പെണ്‍കുട്ടി കാറ്റടിച്ചു കഴിഞ്ഞ് അത് അഴിച്ചു വിട്ടു വീണ്ടും മറ്റൊരു പെണ്‍കുട്ടിയോട് കാറ്റടിക്കാന്‍ ആവശ്യപ്പെട്ടു.
സംശയം തോന്നിയ പെണ്‍കുട്ടി മൊബൈല്‍ ഫോണിന്റെ ക്യാമറ ഓണ്‍ ചെയ്തു വച്ചത് കണ്ടെത്തുകയായിരുന്നു. ഫോൺ പിടിച്ചു വാങ്ങിയ പെൺകുട്ടിയെ ഇയാൾ കാലിൽ പിടിച്ചു വീഴ്‌ത്തി ഫോൺ എടുക്കാൻ ശ്രമിച്ചു. മൽപിടുത്തം നടത്തിയാണു പെൺകുട്ടി ഇയാളുടെ പക്കൽ നിന്നു ഫോൺ സ്വന്തമാക്കിയത്. ഫോണ്‍ കൈക്കലാക്കി കുട്ടി രതീഷിനെ ചവിട്ടി താഴെയിട്ട ശേഷം മതില്‍ ചാടിക്കടന്ന് ഓടി പിതാവിന്റെ അടുത്തെത്തി ഫോണ്‍ പിതാവിനെ ഏല്‍പ്പിക്കുകയായിരുന്നു .
പിതാവാണ് ഫോണ്‍ പോലീസിന് കൈമാറിയത് . ഇതിനു പുറമേ പലപ്പോഴായി പകർത്തിയ മറ്റ് വിദ്യാർത്ഥിനികളുടെ ദൃശ്യങ്ങളും കണ്ടെത്തിയിട്ടുണ്ട്. അതേസമയം ഫോൺ ബലമായി പിടിച്ചു വാങ്ങി പിതാവിനെ ഏൽപിക്കാൻ ധൈര്യം കാട്ടിയ പെൺകുട്ടിയെ നെടുമ്പാശേരി പോലീസ് അഭിനന്ദിച്ചു.
______
മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവുക,
_______
